Yekemîn Konferansa Yekîtiya Jinên Ciwanên ên Herêma Firatê hat li darxistin

0

Yekemîn Konferansa Yekîtiya Jinên Ciwanên Kobanê bi beşdarbûna sedan delegeyên Jinên Ciwan destpêkir. Di destpêkê Konferansê de deqqeyek ji bo Şehîdên Şoreşê rêzgirtinê destpêkir. Gelek jinên ciwan bi eleqe û kelacenek mezin beşdardibin.

Konferans bi axaftina vekirinê li ser navê Kongra Starê Sozdar Çiya ve berdewam dike. Sozdar di axaftina xwe de bal kişand li ser giringî û wateya Konferansê û got “ev Konferans wê biryarên girîng ji bo rêxistinbûnê bavêje. Ev Konferans ji bo vê bajarê Berxwedanê re yekemîn e. Jinên Ciwan wê ji bo vê bajarê bibe mînak!”

Her wiha Sozdar bal kişand li ser berxwedana Leyla Gûven û got: “ Leyla Gûven 5 meh zêdetire di greva birçîbûnê de ye. Ev ji bo Rêber Apo ev berpirsiyarî girt ser xwe û belav kir. Wê ev Konferans jî ji bo xwedî derketina berxwedanê bibe gava yekem”

Konferansa ku berê nîvro bi axaftinê û temaşekirina sînevîzyonê berdewamkir, piştê nîvro jî bi nirxandina siyasî û rêxistinî û li ser mijarên Jinên Ciwan nîqaşkirinê dewam kir.

Di nîqaşan de li ser zewaca Temenê biçûk, bandora kapîtalîzmê li ser jinê, kolebûyina jinê ji aliyê bav û bira de di malê de hat guftûgokirin. Jinên ciwan di derheqên mijaran de fikrên xwe anîn ziman û pêşniyarên xwe ji bo çareseriyan kirin.
Piştê nîqaşan meclîsa Jinên Ciwan ên Kobanê bi rêya hilbijartinê hat diyar kirin û pêşnûma û biryar hatin eşkere kirin.

Biryarên ku derketine wiha ne:

– Em wekî jinên ciwanên kantona Kobanê ev konferans diyari Rebêr Apo û di şexsê Leyla Guven de tevahi berxwedanvanên çalakiya greve birçibûnê dikin.

– Em wekî jinên ciwanên kantona Kobanê Serokê Gelan Rebêr Apo wekî iradeya xwe dibînin û ev tecrîda girankirî ya li ser Rebêr Apo ji bo ku were şikandin em ê di nav çalakî û berxwedaniya de bibin.

– Disa ji bo ku pergala konfederalizma demokratîk were rûnişkandin wekî meclisa jinên ciwanên Kobanê em ê hemû beşên sistema konfederal bin siwanê meclise xwe bidin ava kirin.

– Li hembêre zewaca temenê biçûk ve şiddeta li ser jinê hamlayek bidin destpekirin ji bo parastina jinê wekî hamleyek xwe rêxistin kirin.

– Perwerdeyên birdozî û askerî ji bo jinên ciwan werin wekirin.

– Perwerdeyên jineolojî werin dayin û komîta jineolojî were avakirin.

– Çekirina timên werzişê a jinên ciwan.

– Timên futbol bi navê jinên ciwan werin çekirin.

– Xebatê çand û hûner bi navê jinên ciwan werin çekirin.

– Em wekî jinên ciwan li hemberî êrîşên dewleta Tirk a faşist û hemû hezên dagirkêr em e her tim di nav çalakî û berxwdanîyede bin.

– Em wekî jinên ciwana ji bo gelekî şerkêr û şerê gelê şoreşgerî em e her tim di tevger û awakirina parastina cewheride bin.

– Em wekî jinên ciwan li hemberî êrîşên moderniteya kapitalist emê çanda ciwakê de israr bikin û ji bo parastin û belavkirina çanda gelerî em ê di nav tekoşinê de bin.

– Ji bo hezin me ya YPJ xort kirin em wekî tevgera jinên ciwan xwe berpirsiyar dibînin.

– Perwerdeyên ajotina motor û erêbe verin dayin.

Cevap bırakın

E-posta hesabınız yayımlanmayacak.